Ал кара жана кызыл карагат пайдалуу заттардын курамы боюнча рекордсмен болуп саналарын белгиледи. Бул мөмөлөрдө С витамининин жогорку концентрациясы бар: 100 граммда 250 миллиграммга чейин жетет. Ошондой эле анын курамында В тобундагы витаминдер, А, Е, К витаминдери жана ар кандай микроэлементтер бар.

Мындан тышкары, кара карагаттын өзүндө жана андан жасалган кыямда антоциандар — мөмөлөргө кочкул түс берүүчү өсүмдүк пигменттери камтылган. Алар мээге өтүп, нейрондорду сезгенүүдөн коргоого, баш мээге кандын келишин жакшыртууга, нейропластиканы стимулдаштырууга жана деменция (акыл-эстин кемтиги) коркунучун азайтууга жөндөмдүү,— деп бөлүштү Сысоева.

Дарыгер карагат кыямын көп өлчөмдө жебөө керектигин эскертти. Кары-картаңдар үчүн мээнин жана кан тамырлардын ден соолугун натыйжалуу колдоо максатында бул десерттен болгону бир кашык жетиштүү болот.

Кант диабети жана ашыкча салмактан жабыркаган адамдар кыямды этияттык менен колдонушу керек. Ал эми кан басымы төмөн (гипотония), башы айланып, алсырап турууга жакын бейтаптарга бир кашык кыям кошулган чай мээни тез көмүртек менен азыктандыруу аркылуу пайда алып келет,— деп жыйынтыктады Сысоева.