«Эң зыяндуусу — жогорку сорттогу ундан жасалган ак нан жана албетте, таттуу токочтор. Алар адамды узакка ток кармабайт. Бирок, эгер сизге спорт менен машыгар алдында жөн гана калория жана энергия керек болсо, анда бул вариант туура келет. Ал эми арыктоо үчүн — бул туура эмес тандоо», — деп белгиледи Кованова.

Адам ак нанга бат тойгону менен, аз убакыттан кийин кайрадан ачкалыкты сезе баштайт. Ак нан рациондун калориялуулугун жогорулатат, бирок аны витаминдер жана минералдар менен байытпайт.

Дарыгерлер кээ бир ооруларда, анын ичинде ичеги-карын жолдорунун өнөкөт оорулары курчуп кеткен учурда ак нандан баш тартууну сунушташы мүмкүн.