Адистин айтымында, дарбыздардын негизги сезону август айында башталып, сентябрда аяктайт. Денеге зыяны жок, табигый жол менен бышкан Астрахань, Волгоград жана Краснодар крайынын дарбыздары дал ушул убакта сатыкка чыгат.

«Дарбыз сезону азырынча баштала элек, андыктан июнь айында аны ашыкча жеп албоо керек. Кандай гана жемиштер, мөмөлөр жана жашылчалар болбосун, аларды өз убагында жеген жакшы. Эгер эрте бышкандарын жесеңиз, курамындагы нитраттардын өлчөмү нормадан үч эсе көп болгон дарбыздарга туш болуу коркунучу жогору. Мындай учурда дарбыздын курамындагы ликопин, С, В1, В6 витаминдери сыяктуу бардык пайдалуу касиеттери жокко эсе болуп калат», — деп түшүндүрдү эксперт.

Диетолог кошумчалагандай, эрте бышкан дарбыздардын курамындагы пайдалуу заттардан дээрлик суу гана калат.