Өнөөдрийн байдлаар 503,000 ширхэг цэцгийг тариад байгааг Улаанбаатар хотын Захирагчийн ажлын албанаас мэдээллээ. 

Тухайлбал Хан-Уул дүүрэгт нийт 12 байршилд 243,000 ширхэг цэцэг суулгаад байгаа аж.

Ногоон байгууламжийн инженер Б.Дашдэжид "Хан-Уул дүүргийн 1 болон 15 дугаар хорооны нутаг дэвсгэр буюу Махатма Гандигийн гудамж, Шинэ Хан-Уул цэцэрлэгт хүрээлэн, Цэнгэлдэх хүрээлэнд нийт 6 га талбайд арчлалт хамгаалалтын ажлыг гүйцэтгэж байна. Энэ хүрээнд бид өөрийн хүлэмжид тарьж ургуулсан таван төрлийн 13 зүйлийн 50,000 цэцгээр таван өөр төрлийн загвар зохиомжийг бүтээн хотынхоо ногоон байгууламжид өнгө нэмж байна. 

Манай багт нэг инженер, 10 цэцэрлэгч, гурван услагч, гурван усны машин, жолоочтой ажиллаж байгаа" гэв.