Президент Садыр Жапаров Евразия экономикалык биримдигине мүчө мамлекеттердин башчылары менен бирге Астана шаарында уюштурулган санариптик жетишкендиктердин өлкөлүк көргөзмөсүнө барды. Бул тууралуу президенттин басма сөз кызматы билдирди.
2026-жылдын 28-майында А.Осмонов атындагы Кыргыз Республикасынын Улуттук китепканасы «Улуттук дем — дүйнөлүк бийиктик» уңгужолу Жарлыгын ишке ашыруу алкагында, Кыргыз Республикасынын көз карандысыздыгынын 35 жылдыгына карата «Эгемендик — ыйык мурас, Уңгужол — келечекке багыт» аталыштагы «Китепканадагы кадыр түн — 2026» коомдук-маданий иш-чара өткөрөт. Бул тууралуу китепканадан билдиришти.
Бишкекте Эл аралык йога күнү белгиленди. Иш-чара 21-июнда Курманжан датканын эстелигинин жанында өттү.
ABank көчмөн элдердин тарыхын, маданиятын жана салт-санаасын даңазалаган эл аралык спорттук-маданий иш-чара — VI Дүйнөлүк көчмөндөр оюндарына арналган чектелүү сандагы Visa Gold банктык картасынын жаңы сериясын сунуштайт.
Улуттук тарых музейинде «Дүйнөлүк көчмөндөр оюндарына 40 күн калды!» аттуу расмий иш-чара болуп өтүп, анын алкагында коомчулукка Дүйнөлүк көчмөндөр оюндарынын маданий программасы тааныштырылды.
Бишкекте Шанхай кызматташтык уюмунун «Аялдардын лидерлиги» темасындагы Аялдар форуму өз ишин баштады. Иш-чара Кыргыз Республикасынын 2026-жылдагы ШКУдагы төрагалыгынын алкагында 26—27-июнь күндөрү өтүүдө.
Бишкек шаарында Монгол кино жумалыгынын салтанаттуу ачылышы болуп өттү. Иш-чара Кыргыз Республикасы менен Монголиянын ортосундагы маданий кызматташтыкты өнүктүрүүгө жана эки элдин достук байланыштарын чыңдоого багытталган. Бул тууралуу Маданият, маалымат жана жаштар саясаты министрлиги билдирди.
Бишкектеги «Ала-Тоо» кинотеатрында «Кыргызстан — Түрк киносунун күндөрү» эл аралык кинофестивалынын салтанаттуу ачылыш аземи өттү. Иш-чара кызыл килемден башталып, ага түрк киноиндустриясынын өкүлдөрү, кыргызстандык кинематографисттер, маданият ишмерлери жана кино сүйүүчүлөр катышты.
Бишкекте 18-апрелден 19-апрелге чейин «Динамо» спорттук комплексинин базасында самбо боюнча эл аралык мелдеш өттү. Иш-чара СССРдин самбо жана дзюдо боюнча спорт чебери, Кыргыз Республикасынын эмгек сиңирген машыктыруучусу, экстра-класстагы эл аралык категориядагы калыс Николай Михайловдун жаркын элесине арналды. Бул тууралуу Самбо федерациясы билдирди.
Samsung Electronics компаниясы Бишкек шаарында жыл сайынкы Partner’s Day жолугушуусун өткөрдү. Анын алкагында корпоративдик сегмент, чакан жана орто бизнес үчүн жаңы иштелмелерди тааныштырды. Иш - чара бизнес-процесстерди оптималдаштырууга жөндөмдүү болгон технологиялар менен таанышуу үчүн системдүү интеграторлорду, дистрибьютерлорду жана башка өнөктөштөрдү чогултту.
Бүгүн, 18-май Ош шаарындагы «Сулайман-Тоо» улуттук тарыхый-археологиялык музей комплексинде Эл аралык музейлер күнүнө арналган маданий иш-чара өтөт. Бул жолку майрам «Музейлер бөлүнгөн дүйнөнү бириктирген мейкиндик» деген аталышта уюштурулууда.
Президент Садыр Жапаров Нарын облусуна болгон иш сапарынын алкагында Кочкор районунун активи жана тургундары менен жолугушту. Бул тууралуу президенттин басма сөз кызматы билдирди.
Энергетика тармагын модернизациялоо жана өлкөнүн инфраструктуралык потенциалын чыңдоо боюнча иш-чараларды ырааттуу түрдө ишке ашырылууда. Бул иштердин алкагында 41 бирдик атайын техниканы расмий тапшыруу аземи өттү.
3—7-июнь күндөрү Бишкек шаарында Түрк кино күндөрү маданий иш-чарасы өтөт. Бул тууралуу Маданият, маалымат жана жаштар саясаты министрлигинен билдиришти.
Министрлер кабинетинин төрагасы Адылбек Касымалиев Ички иштер министрлигинин объектилерине иш сапары менен барып, анын бөлүмдөрүн масштабдуу реконструкциялоонун жана техникалык жактан кайра жабдуунун жыйынтыктары менен таанышты.
Ысык-Көл көлүнүн экологиялык тазалыгын сактоо жана айлана-чөйрөгө терс таасирин азайтуу максатында кезектеги алдын алуу иш-чарасы өткөрүлдү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Ош шаарында VI Дүйнөлүк көчмөндөр оюндарына арналган «Биримдик кербени» аймактык долбоорунун алкагында сууну урматтоо жана узатуу аземи өткөрүлдү. Иш-чарага Ош шаарынын мэри Жанар Акаев, шаардык жана муниципалдык мекемелердин кызматкерлери, ошондой эле шаар тургундары катышты.
Чолпон-Ата шаарында президент Садыр Жапаров менен Албаниянын башчысы Байрам Бегайды расмий тосуп алуу аземи өттү.
16-19-июль күндөрү Бишкекте Шанхай кызматташтык уюмунун Жаштар кеңешинин XIX жыйыны жана туризмди өнүктүрүү боюнча III Жаштар форуму өтөт. Бул тууралуу Маданият, маалымат жана жаштар саясаты министрлигинен билдиришти.