Шаар башчысынын айтымында, четки аймактардын тургундары үчүн негизги көйгөйлөрдүн бири — балдардын мектепке чейинки жолу болуп саналат.

«Биз ар бир бала коопсуз шаарда жашашы, ал эми ата-энелер баласынын мектепке болгон жолу үчүн сарсанаа болбошу үчүн окуучуларды мектеп автобустары ташышын каалайбыз», — деди Жанарбек Акаев.

Мэр ошондой эле учурда Ошто бир эле учурда мамлекеттик да, жеке да болуп 25 мектептин курулушу жүрүп жатканын кабарлады. Муну менен бирге ал жаңы имараттар өзүнөн өзү билим берүүнүн жогорку сапатына кепилдик бере албастыгын, ошондуктан мугалимдер менен иштешүү андан ары улантыларын баса белгиледи.