Анын айтымында, учурда стационарда абал туруктуу, бирок курч ичеги-карын инфекциясы менен ооругандардын саны бара-бара өсө баштады.

«Мындан бир ай мурун бизде мындай бейтаптар үчүн бир гана бөлүм иштеп жаткан болсо, азыр кошумча дагы бир бөлүм ачтык. Учурда эки бөлүмдө биригип КИИ менен ооруган 40тан ашык бейтап жатат. Алардын басымдуу бөлүгү беш жашка чейинки балдар. Чоңдор да бар, бирок алар чанда кездешет», — деди Гүлжигит Аалиев.

Ал оорунун күчөшү жашылча, жемиш жана мөмө-жемиштердин сезону, ошондой эле аба ырайынын байкалаарлык жылышы менен байланыштуу экенин белгиледи. Жаз-жай мезгилинде эт жана сүт азыктары тезирээк бузулат. Андыктан тамак-аш азыктары сатылган жерлерде санитардык нормаларды, ошондой эле үй шартында тамак-ашты сактоо технологиясын сактоо абдан маанилүү.

Учурда Республикалык жугуштуу оорулар ооруканасында жалпысынан 300гө жакын бейтап дарыланууда.

«Күн сайын бизге 200-250 адам кайрылат. Азыркы учур эң туруктуу, коопсуз мезгил деп эсептелет. Ошону менен бирге оорукана бейтаптардын агымына даяр, дары-дармектин запасы бар, орундар да жетиштүү», — деп кошумчалады башкы дарыгер.