Энэ тухай "Геодези Усны Барилга Байгууламжийн Газар" ОНӨААТҮГ-ын дарга Б.Бямбасайхан "Нийслэлийн Засаг Даргын Тамгын Газар, Улаанбаатар Хотын Захирагчийн Ажлын Албатай хамтран Хан-Уул дүүргийн 8, 10 дугаар хороонд он дамжин 1.8 километр үерийн даланг барьж, энэ жил дуусаж байна.

Үүний дараа Нисэхийн зам дагуух далангийн 220 метрийн инженерийн хийцлэлгүй шороон сувгийг шинээр инженерийн хийцлэлтэй болгон барих ажлыг гүйцэтгэж байна. Харин зам доогуурх ус гаргуурын хүчин чадлыг нэмэгдүүлж хоёр талд нь 1,000 диаметрийн хоёр хоолой нэмж суулгахаар ажиллаж байна.

Ингэснээр 1.8 километрийн үерийн далан бүрэн хүчин чадлаараа ажиллах нөхцөл бүрдэх юм" гэж мэдээллээ.

Хан-Уул дүүргийн 8, 10 дугаар хороонд ₮3.9 тэрбумаар 1.8 километр үерийн даланг барих төсөвтэй байна.

Өнгөрсөн долоо хоногт орсон борооноор Нисэх буудал руу явдаг хурдны зам доогуурх нүхэн гарц үерийн усаар дүүрчээ.