Адистин айтымында, кызыл ачуу калемпирдин курамында иммундук системаны бекемдөөгө жардам берген С витамини көп. Мындан сырткары, анын курамындагы антиоксиданттар клеткаларды эркин радикалдардын таасиринен коргойт.

Редина чили калемпири тамак сиңирүүгө да оң таасирин тийгизерин белгиледи. Ал ашказан ширесинин бөлүнүп чыгышын шарттап, тамактын жакшы сиңишине көмөктөшөт.

Калемпирдин ачуулугуна жооп берген капсаицин заты зат алмашууну тездетип, организмдин көп калория коротуусуна жардам берет. Ошондуктан, арыктоо учурунда чилини кээде рационго кошуп турушат.

Бирок диетолог чили калемпирин арыктоо үчүн «керемет продукт» деп эсептөөгө болбой турганын баса белгиледи. Туура тамактануу жана физикалык активдүүлүк болбосо, ал байкалаарлык жыйынтык бербейт.

Ачуу калемпирди ашыкча колдонуу ашказанды дүүлүктүрүп, зарнаны пайда кылышы жана гастрит же ашказан жарасынын курчушуна алып келиши мүмкүн.

Мындан тышкары, чили кычышуу, теринин кызарышы жана дем алуунун кыйындашы сыяктуу аллергиялык реакцияларды жаратышы ыктымал.

Редина ашказан-ичеги трактынын оорулары бар адамдарга, аллергиясы барларга жана жүрөк-кан тамыр ооруларынан жабыркагандарга чили калемпиринен баш тартууну сунуштады. Гипертонияда ачуу калемпир кан басымдын көтөрүлүшүнө шарт түзүшү мүмкүн, андыктан аны колдонууну болушунча азайтуу керек.