АНУ-ын үүсгэн байгуулагдсаны 250 жилийн ойд зориулсан гэх сүржин нэртэй ч тус улсын Ерөнхийлөгч Дональд Трампын 80 насны ойг давхардуулан Цагаан ордны өмнөх зүлэгт тулаан зохион байгуулсан юм.

Энэ тулааны гол "зодоон" гүрж гаралтай испани эр Илья Топуриа болон нутгийн холимог тулаанч Жастин Гейжи нарын хооронд болов.

Өдгөө 29 настай Илья UFC холбоонд 17 тулалдахдаа бүгдэд нь ялсан үзүүлэлттэй байсан юм.  

Харамсалтай нь Жастин Гейжигийн эсрэг хийж чадах зүйл түүнд байсангүй. Тулаан хэт нэг талдаа болсон тул дөрвөн үеийн дараа булангийн шүүгчийн саналаар Ж.Гейжи замналынхаа 28 дахь ялалтаа аваргын бүстэй цуг авлаа.

Нүүрэндээ их гэмтсэн Илья эмнэлгийн тусламж авахаар түргэний тэрэгт суусан байна.

Хагас хүнд жинд хүч үздэг Бразилын Алекс Перрейра хүнд жинд анхны тулаанаа хийсэн ч Францын Ган Сирилийг дийлсэнгүй.

ФОТО