Нийт 192 байршилд тээврийн хэрэгслийн зогсоол байгуулах жагсаалтыг гаргасан бөгөөд баталсан байршлын нийтийн эзэмшлийн талбайд шинээр газар, барилга байгууламжийн үе шатны зөвшөөрөл олгохгүй байхаар төсөлд тусгажээ.

Төслийн жагсаалтаас харвал хамгийн олон буюу Баянгол дүүрэгт 53, Баянзүрхэд 38, Сүхбаатар дүүрэгт 43, Чингэлтэйд 24, Сонгинохайрханд хамгийн цөөн буюу 7, Хан-Уул дүүрэгт 27 байршилд автомашины зогсоол байгуулахаар байна.

Тээврийн хэрэгслийн зогсоол байгуулах гэж буй 192 байршил:

Тогтоолын төсөл батлагдаж, хэрэгжвэл авто зогсоол хайх хугацааг 15-30 хувиар бууруулж, зогсоолын орлогыг 20-40 хувиар нэмэгдүүлэх, хувийн хэвшлийн хөрөнгө оруулалтыг нэмэгдүүлнэ гэж тооцоолжээ.

Харин авто зогсоолын одоогийн нөхцөл байдлын талаар

"Их тойруу доторх замаас зайтай зогсоолуудын тал нь буюу 56% төлбөртэй, тээврийн хэрэгсэл байрлуулж болох эсэх нь тодорхойгүй байршлууд олон, зогсоолуудын 93% нь нэг түвшний орон зай ашиглалт багатай ил зогсоолууд"

хэмээн тайлбарласан байна.