“Улаанбаатарын үдэш 2026” тоглолтын хөтөлбөр, найруулгын агуулга үндсэн хоёр хэсгээс бүрдэнэ.

Нэгдүгээр хэсэгт Монгол үндэсний хөгжмийн өнгө аяс, уламжлалт хэв шинжийг орчин цагийн хөгжмийн урсгалтай хослуулсан этник уран бүтээлүүд эгшиглэх бол хоёрдугаар хэсэгт Монголын рок попын үе үеийн уран бүтээлчдийн шилдэг, хит дуунууд үзэгчдэд хүрнэ.

Тоглолтод:

  • Хурд
  • Camerton
  • 3 охин
  • The Royal Heartaches
  • Uvertura
  • Этник хөгжмийн “Agmat” хамтлаг
  • “Хан Тэнгэр” хамтлаг
  • Бүжгийн “Dance Chance” хамтлагууд
  • МУГЖ С.Наран
  • МУСТА Б.Баярцэцэг
  • МУСТА П.Баярцэнгэл
  • МУСТА О.Гантулга
  • МУСТА Д.Намсрайноров
  • МУСТА Ж.Хишигбат
  • МУСТА ятгач Г.Солонго
  • Залуу уран бүтээлч MVCHI, NOMUKI, Э.Анударь зэрэг уран бүтээлчид оролцож, ая дуугаа өргөн барина.

Эрхэм нийслэлчүүд та бүхнийг энэхүү үндэсний их баяр наадмын “Улаанбаатарын үдэш 2026” үдшийн цэнгүүнд хүрэлцэн ирэхийг урьж байна гэж НЗДТГ-ын хэвлэл мэдээлэл, олон нийттэй харилцах хэлтсээс мэдээлэв.

Улсын баяр наадмын үйл ажиллагаанд нийслэлийн төсвөөс ₮5 тэрбумыг зарцуулахаар баталжээ.