Токтоп турган унаалардан улам автобустар аялдамага тоскоолдуксуз келе албай калышкан. Натыйжада жүргүнчүлөр жолдун жүрүүчү бөлүгүнө чыгууга жана кооптуу шарттарда коомдук транспортко түшүүгө мажбур болушкан.

Шаардыктардын айтымында, мындай көрүнүш бул аялдамада эле эмес, борбордун башка көптөгөн райондорунда да байкалууда.

Бишкектин тургундары айрым айдоочулар аялдамалардын максатын тоготпой, аларды унаа токтотуу же убактылуу токтоп туруу үчүн колдонуп жатышканын белгилешет.

Фото Окурмандан. Аялдамалар көп учурда автоунааларга толуп калгандыктан, жүргүнчүлөр үчүн кооптуу кырдаалдар жаралууда.

Тургундар мындай эреже бузуулар коомдук транспорттун кыймылына тоскоолдук жаратып, жолдордо тыгындарды пайда кылып, жол-транспорт кырсыктарынын коркунучун жогорулатарын баса белгилешет. Шаардыктар коомдук транспорт аялдамаларынын жанында Жол кыймылынын эрежелеринин сакталышын көзөмөлдөөнү күчөтүүгө жана эреже бузуучуларга карата чара көрүүгө чакырышат.