Алмамбет Шыкмаматовго ардактуу президенттин медалын лиганын президенти Шайлообек Атазов тапшырды.

Бул ардактуу макам мамлекеттик курулушка, укуктук системаны өнүктүрүүгө, мамлекеттик бийлик институттарын чыңдоого кошкон олуттуу салымы, жигердүү коомдук-саясий ишмердүүлүгү, ошондой эле спортту, жаштарды өнүктүрүүгө жана өсүп келе жаткан муунду патриоттук тарбиялоого багытталган демилгелерди колдогону үчүн ыйгарылганы белгиленет.

Лигадан Кыргызстанда профессионалдык боксту жана спорттук долбоорлорду өнүктүрүүгө мындан ары да көмөк көрсөтүлөрүнө үмүттөнөрүн баса белгилешти.