Маалыматка ылайык, сынакта балет бийчилери Адилжан Рахманов II даражадагы лауреат наамына ээ болсо, Даяна Кыдыралиеваге диплом тапшырылды.

«Арабеск» сынагы 1988-жылдан бери өткөрүлүп келет жана бул убакыт ичинде дүйнөдөгү эң абройлуу балет сынактарынын бирине айланды. Быйылкы иш-чара Пермь шаарында 15-апрелден 25-апрелге чейин өтүп, Пермь балетинин 100 жылдыгына арналды. Жалпысынан дүйнөнүн 14 өлкөсүнөн артисттер жана хореографтар тарабынан 354 билдирме түшкөн. «Арабеск-2026» сынагынын катышуучуларынын арасында Россия, Австралия, Бразилия, Франция, АКШ, Япония, Италия, Түркия, Монголия жана башка мамлекеттердин өнөрпоздору болду. Ошондой эле Россиянын 26 шаарынан, анын ичинде Санкт-Петербург, Москва, Новосибирск жана башка калаалардан өкүлдөр катышты.

Сынактын негизги максаты — жаңы ысымдарды ачуу, аларга ийгиликтүү карьера үчүн кеңири мүмкүнчүлүктөрдү түзүү, классикалык балеттин бай мурасын сактоо жана заманбап хореографияны өнүктүрүү болуп саналат.