Жол транспорттун кыймылы үчүн июнь айынан ноябрь айына чейин ачык болору такталды.

Министрлик айдоочуларды ылдамдыкты ашырбоого жана жол кыймылынын эрежелерин так сактоого чакырды.

Түндүк — Түштүк альтернативдик унаа жолу — Бишкек — Ош жолун айланып өтүп, Кыргызстандын түндүгү менен түштүгүн байланыштырган, узундугу 433 чакырымды түзгөн стратегиялык трасса. Каттам Балыкчы — Кочкор — Казарман — Жалал-Абад багыты боюнча өтөт. Долбоор татаал инженердик курулуштарды, анын ичинде Көк-Арт ашуусундагы узундугу 3,8 чакырымга жакын тоннелди камтыйт.

Жолдун курулушу 2014-жылы башталган. Трассаны толук кандуу пайдаланууга берүү мөөнөтү бир нече жолу жылдырылган.