Чорабиниҳо бо ташаббуси ин ниҳод ташкил шуда, шаҳру ноҳияҳои минтақаро фаро гирифтанд. Вохӯриҳо бо иштироки кормандони соҳаҳои гуногун, аз ҷумла замин, суд, маориф, тандурустӣ, инчунин намояндагони мақомоти иҷроияи ҳокимияти давлатии ноҳияҳои Шамсиддин Шоҳин, Мӯъминобод, Фархор, Мир Сайид Алии Ҳамадонӣ, Восеъ ва Темурмалик баргузор шуданд.

Дар ҷараёни чорабиниҳо шахсони масъул бо маърӯзаҳо баромад карда, дар бораи қонунгузории амалкунандаи зиддикоррупсионӣ ва дигар санадҳои меъёрию ҳуқуқӣ маълумот доданд. Ба иштироккунандагон инчунин чораҳо ва механизмҳои пешгирии зуҳуроти коррупсионӣ шарҳ дода шуданд.

Қайд карда мешавад, ки ҳадафи асосии баргузории чунин вохӯриҳо ҷалби диққати ҷомеа ба масъалаҳои мубориза бо коррупсия, баланд бардоштани фарҳанги ҳуқуқии хизматчиёни давлатӣ ва шаҳрвандон, пешгирии ҳуқуқвайронкуниҳо, инчунин таъмини риояи қонунгузорӣ ва татбиқи барномаҳои давлатии зиддикоррупсионӣ мебошад.

Запись В районах Хатлонской области обсудили меры противодействия коррупции впервые появилась Новости Таджикистана - Avesta.tj.