Монголын үндэсний ашиг сонирхлыг идэвхтэй сурталчлах, хоёр талын харилцааг бэхжүүлэх, хүлээн авагч улс, бүс нутгийн орнуудтай хамтын ажиллагааг өргөжүүлэх шаардлагад онцгой анхаарлаа хандуулав. Ерөнхийлөгч элчин сайд нарт хөрөнгө оруулалт татах, мөн Монголын баялаг соёлын өв, түүний дотор хэл, түүх, зан заншил, уламжлалыг хадгалах, түгээхэд анхаарахыг уриалав.

Түүнчлэн төрийн тэргүүн гадаадад байгаа Монгол Улсын иргэдийн хууль ёсны эрхийг бүрэн хамгаалах, дэмжлэг үзүүлэх үүрэг өгөв.

Итгэмжлэх жуух бичгийг дараах дипломатуудад гардуулав:

  • Цэндийн Мөнх-Оргил – Монгол Улсаас Францын Бүгд Найрамдах Улсад суух Онц бөгөөд Бүрэн эрхт Элчин сайд.
  • Жагдагийн Оюунбаатар – Монгол Улсаас Холбооны Бүгд Найрамдах Герман Улсад суух Онц бөгөөд Бүрэн эрхт Элчин сайд.
  • Гүнжаажавын Батжаргал – Монгол Улсаас Бүгд Найрамдах Казахстан Улсад суух Онц бөгөөд Бүрэн эрхт Элчин сайд.
  • Дансрангийн Булган – Монгол Улсаас Италийн Бүгд Найрамдах Улсад суух Онц бөгөөд Бүрэн эрхт Элчин сайд.
  • Ганбаатарын Хулан – Монгол Улсаас Вьетнамын Социалист Бүгд Найрамдах Улсад суух Онц бөгөөд Бүрэн эрхт Элчин сайд.
  • Энхтайваны Нямцэрэн – Монгол Улсаас Унгар Улсад суух Онц бөгөөд Бүрэн эрхт Элчин сайд.
  • Батсайханы Болормаа – Монгол Улсаас Чехийн Бүгд Найрамдах Улсад суух Онц бөгөөд Бүрэн эрхт Элчин сайд.
  • Очирын Лхагвасүрэн – Монгол Улсаас Туркийн Бүгд Найрамдах Улсад суух Онц бөгөөд Бүрэн эрхт Элчин сайд.
  • Доржраагийн Мөнхтөр – Монгол Улсаас Австрийн Бүгд Найрамдах Улсад суух Онц бөгөөд Бүрэн эрхт Элчин сайд.
  • Дэмчигийн Төгсжаргал – Монгол Улсаас Кыргызын Бүгд Найрамдах Улсад суух Онц бөгөөд Бүрэн эрхт Элчин сайд.
  • Ганболдын Уянга – Монгол Улсаас Сингапурын Бүгд Найрамдах Улсад суух Онц бөгөөд Бүрэн эрхт Элчин сайд.
  • Даваахүүгийн Баттөр – Монгол Улсаас Лаосын Ардын Ардчилсан Бүгд Найрамдах Улсад суух Онц бөгөөд Бүрэн эрхт Элчин сайд.
  • Донжимбуугийн Бямбадорж – Монгол Улсаас Египетийн Арабын Бүгд Найрамдах Улсад суух Онц бөгөөд Бүрэн эрхт Элчин сайд.

Өдөр тутмын сонин

Орчуулга МОНГОЛИЯ СЕЙЧАС

The post Монгольские послы получили наставления президента перед отправкой за рубеж first appeared on Монголия Сейчас.